Evrópuleikar Special Olympics í Róm 30. September – 5. október 2006

Íþróttasamband Fatlaðra sendir 25 keppendur á Evrópuleika Special Olympics 2006

sem haldnir verða í Róm, Ítalíu 30. september – 5. október 2006. Leikarnir eru fyrir ungt fólk á aldrinum 12 – 21 árs. Ísland sendir keppendur í boccia, fimleikum, frjálsum íþróttum, keilu og sundi. Keppendur koma frá íþróttafélögum fatlaðra í Reykjavík, Hafnarfirði, Akranesi, Selfossi, Akureyri, Húsavík og Egilsstöðum. Íslenski hópurinn mun búa í vinabæ Íslands, Fiuggi dagana 28. – 30. september.

Special Olympics Evrópuleikarnir 2006 hafa það að markmiði að hvetja ungt fólk, fatlað og ófatlað til að sigrast á hindrunum, mynda ný tengsl, eignast nýja vini og stuðla að því að efla samfélagsleg tengsl og skapa þannig betri og skilningsríkari samfélög um alla Evrópu.

Gert er ráð fyrir 1.400 þátttakendum frá 57 löndum í Evrópu og er keppnishópur tvískiptur, annars vegar 12 til 16 ára og hins vegar 16 til 21 árs. Íþróttagreinar sem keppt verður í eru sund, frjálsar íþróttir, körfubolti, boccia, keila, fótbolti og fimleikar

Gert er ráð fyrir 400 þjálfurum, 3000 aðstandendum, 800 gestum, 300 fjölmiðlafulltrúum, 2.000

sjálfboðaliðum auk þess sem 20.000 skólabörn aðstoða við leikana í tengslum við skólaverkefni

Íslenski hópurinn verður fyrstu tvo dagana í vinabæ sem valinn er fyrir hvert land

Kyndilhlaup lögreglumanna víða úr Evrópu

Þann 2. september 2006 var haldin sérstök athöfn í Patras í Grikklandi í tilefni leikanna. Lögreglumenn víða úr Evrópu hlaupa með kyndil um Ítalíu dagana 27. – 30. september en hlaupið endar á opnunarhátíð leikanna þar sem eldur verður tendraður sem logar alla leikana. Samstarf Special Olympics og lögreglumanna um allan heim hefur vakið mikla athygli og stefnt er að því að íslenskir lögreglumenn tengist þessu verkefni.

Stór hópur aðstandenda fylgir íslenska hópnum

Fjölskyldur og aðstandendur hafa átt kost á að fylgjast með leikum Special Olympics. Ferðast er á eigin vegum en allir eru skráðir á skrifstofu ÍF og fá sérstaka “passa” sem gilda á keppnisstaði og sérstök svæði sem ætluð eru aðstandendum keppenda. Mjög mikill áhugi er á því að fara til Rómar og áætlað er að um 50 manna hópur aðstandenda verði á leikunum í Róm.

Fjölskyldufulltrúi Special Olympics á Íslandi er Camilla Th Hallgrímsson, varaformaður ÍF.

Í tengslum við leikana verður haldin ráðstefna “European Symposium” og málþing fyrir ungt fólk og aðstandendur. Nánari upplýsingar á heimasíðu leikanna; http//www.specialolympicseyg.org

Áhugavert er einnig að skoða íslenskan vef um Róm og Ítalíu; www.romarvefurinn.is

Þátttakendur, þjálfarar og fararstjórar

Boccia; Vilberg Lindi Sigmundsson, Völsungi, Sigmundur H Valdemarsson, Firði, Svavar Halldórsson, Firði, Jóna Rún Skarphéðinsdóttir, Völsungi, Lena Ósk Sigurðardóttir, Suðra,

Þjálfarar; Harpa Björnsdóttir, Valgerður Hróðmarsdóttir

Fimleikar

Ösp/Gerpla; Heiðrún Eva Gunnarsdóttir, Elva Björg Gunnarsdóttir, Auður Lilja Ámundadóttir,. Helgi Magnússon, Kristín Hrefna Halldórsdóttir

öll í Ösp/Gerplu

Þjálfarar; Ásta Ísberg - Erlendur Kristjánsson,

Frjálsar íþróttir; Aron Kale, Örvari, Andri Jónsson, Þjóti, Hulda Sigurjónsdóttir, Suðra

Þjálfari; Ásta Katrín Helgadóttir

Keila; Erna Sif Kristbergsdóttir, Sigrún Lóa Ármannsdóttir, Edda Sighvatsdóttir, Sigurður Bragi Stefánsson, Einar Karl Guðmundsson, Einar Vilhjálmsson , öll í Ösp

Þjálfarar; Guðrún Hallgrímsdóttir, - Guðleif Sigurðardóttir

Sund; Sigrún Ísleifsdóttir, Óðni, Karen Björg Gísladóttir, Firði, Kristján Jónsson, Ösp, Vilhjálmur K Ísleifsson, Óðni Sigurður Reynir Ármannsson, Firði, Freyr Karlsson, Þjóti

Þjálfarar; Dýrleif Skjóldal, Ólafur Þórarinsson

Fararstjórar;

Anna Karólína Vilhjálmsdóttir og Jóhann Arnarson