1.0. FLOKKASKIPTING
Það eru 11 karla- og kvennaflokkar í
borðtennis. Flokkar 1-5 eru sitjandi hreyfihamlaðir, í flokkum 6-10 eru
standandi hreyfihamlaðir og í flokki 11 eru
þroskaheftir.
2.0. KEPPNISGREINAR
2.1. Einliðaleikur:
Keppt
er í eftirfarandi flokkum: sitjandi hreyfihömluðum, standandi hreyfihömluðum og þroskaheftum. Í öllum flokkum keppa karlmenn og kvenmenn sér. Keppni fer fram í riðlum.
2.2. Tvíliðaleikur:
Keppt
er í tvíliðaleik í karla- og kvennaflokki sér. Þar
keppa sitjandi, standandi og þroskaheftir saman.
Keppni fer fram í riðlum
2.3. Opinn flokkur:
Keppt
er í opnum flokki í karla- og kvennaflokki sér. Keppni í opnum flokki er öllum félagsmönnum í aðildarfélögum ÍF
heimil. Í opnum flokki er einfaldur útsláttur.
Sérákvæði
Séu færri en 3 keppendur skráðir til leiks í annað hvort karla eða kvennaflokk þá er heimilt að sameina flokkana. Það þarf a.m.k. 3 keppendur í hvern flokk svo hægt sé að krýna
Íslandsmeistara.
3.0. ALMENN ÁKVÆÐI
3.1. Standandi
flokkar (6-11)
3.1.1. Standandi spilarar fylgja reglum alþjóða borðtennissambandsins
(ITTF).
3.1.2. Standandi er heimilt að nota stuðningstæki t.d.
hækju eða staf og þarf að tilkynna það til dómara áður en keppni hefst.
3.2.
Sitjandi flokkar (1-5)
3.2.1. Á meðan að kúlan er í leik þá er leyfilegt að snerta borðið með
frjálsu hendinni svo framarlega að það sé til þess að ná jafnvæginu á nýjan
leik (þó má leikflöturinn ekki færast úr stað).
3.2.2. Ekki má nota leikflötinn sem stuðning á
meðan að kúlan er í leik.
3.2.3. Þeim sem spila í hjólastól er ekki
leyfilegt að setja fæturnar á gólfið á meðan að kúlan er í leik.
Brot á ofangreindum atriðum þýðir tapað stig.
4
BORÐIÐ
4.1 Yfirborð borðsins,
leikflöturinn skal vera hornréttur 2,74m langur og 1,525 m breiður og vera
láréttur 76 sm fyrir ofan gólfið.
4.2 Efri brúnir borðsins
tilheyra leikfletinum, en ekki hliðar borðsins fyrir neðan brúnirnar.
4.3 Leikflöturinn má vera úr
hvaða efni sem er, en venjuleg borðtenniskúla sem látin er detta úr 30 sm hæð
skal hoppa um það bil 23 sm upp frá leikfletinum.
4.4 Leikflöturinn skal vera
einlitur dökkur og mattur og með 2 sm hvítar línur á jöðrum
4.4.1 Línurnar meðfram
langhliðum (2,74m) heita hliðarlínur.
4.4.2 Línurnar meðfram
skammhliðunum (1,525m) heita endalínur.
4.5 Leikfletinum skal skipt
með lóðréttu neti samsíða endalínum í tvo jafna borðshelminga og skal netið
vera samfellt yfir allan leikflötinn.
4.6 Fyrir tvíliðaleik
4.6.1 Hvorum borðshelming
skal skipt með 3 mm hvítri línu í tvo jafna hluta og heita þær línur miðlínur
og skulu þær vera samsíða hliðarlínum.
4.6.2 Miðlínurnar tilheyra
hægri hluta þess sem gefur upp og hægri hluta móttakanda.
5 NETIÐ OG FESTINGAR ÞESS
5.1 Til netsins teljast
einnig framlengingin og uppistöðurnar.
5.2 Netið skal strengt með
snúru sem skal fest á hvorum enda við uppistöðu sem er 15,25 sm há og í 15,25
sm fjarlægð frá borðbrún.
5.3 Öll efri brún netsins
skal vera í 15,25 sm hæð yfir leikfletinum.
Neðri brún netsins skal vera
eins nærri leikfletinum og kostur er og endar netsins skulu vera eins nærri
uppistöðunum og kostur er.
6 KÚLAN
6.1 Kúlan skal vera kringlótt
40 mm í þvermál.
6.2 Kúlan skal vera 2,7 gr að
þyngd.
6.3 Kúlan skal gerð úr
sellulósa eða sambærilegu efni. Hún skal vera hvít eða gul og mött.
7 SPAÐINN
7.1 Spaðinn má vera af hvaða
stærð, þyngd og lögun sem er, en blaðið skal vera slétt og stíft og á að vera
úr tré.
7.1.1 Að minnsta kosti 85% af
þykkt blaðsins á að vera úr tré.
7.1.2 Leyfilegt er að hafa
aukalag innan blaðsins til styrktar. Það má vera úr fiber efnum svo sem carbon
fiber, gler fiber eða pressuðum pappír en þykktin má ekki vera meiri en 7,5% af
heildarþykkt blaðsins eða 0,35 mm hvort heldur er minna.
7.2 Sú hlið blaðsins sem
notuð er til að slá kúluna skal þakin annað hvort með venjulegu takkagúmmíi þar
sem takkarnir snúa út og ekki þykkara en 2 mm með lími, eða samlokugúmmíi með
takka inn eða út, heildarþykkt ekki meiri en 4 mm.
7.2.1 Venjulegt takkagúmmí er
einfalt lag af gúmmíi, náttúrulegu eða gerviefni og skulu takkarnir vera
jafndreifðir, þéttleikinn ekki minni en 10 á sm2 og ekki meiri en 30 á sm2.
7.2.2 Samlokugúmmí er einfalt
lag af svampgúmmíi límdu við venjulegt takkagúmmí, þykkt takkagúmmísins má ekki
vera meiri en 2 mm.
7.3 Efni það sem þekur blaðið
skal vera jafnt brún blaðsins en sá hluti sem næstur er handfangi eða þar sem
fingur koma á blaðið, má vera óþakinn eða þakinn með hvaða efni sem er og skal
litið á það sem hluta handfangs.
7.4 Blaðið, öll lög innan í
blaðinu, og öll þekjuefni skulu vera samfelld og jafn þykk.
7.5 Yfirborð þekjuefnisins á
blaðinu, eða óþakin hlið blaðs skal vera jafnlitt dökkt og matt. Klæðning á
kanti skal vera mött og ekkert af henni má vera hvítt.
7.6 Lítilsháttar frávik í
samfellu eða lit, vegna slysa, notkunar eða upplitunar má leyfa svo framarlega
sem þau breyti ekki merkjanlegum eiginleikum þekjuefnisins.
7.7 Við upphaf leiks eða
hvenær sem keppandi skiptir um spaða i leik skal hann sýna andstæðingi sínum og
dómara spaða þann sem hann ætlar að nota og leyfa þeim að skoða hann.
8 SKILGREININGAR
8.1 "Hrina" er það
þegar kúlan er í leik.
8.2 "Ómark" er
hrina þegar niðurstaðan er ekki skráð.
8.3 "Stig" er hrina
þar sem niðurstaðan er skráð.
8.4 "Spaðahöndin"
er sú hönd sem leikmaður heldur á spaðanum í.
8.5 "Frjálsa
höndin" er sú hönd sem spaðinn er ekki í.
8.6 Leikmaður
"slær" kúluna ef hann snertir hana með spaðanum eða með spaðahöndinni
fyrir neðan úlnlið.
8.7 Leikmaður
"blakar" kúlunni ef hann slær hana í leik án þess að hún hafi snert
leikflöt hans eftir að andstæðingurinn sló hana síðast.
8.8 Leikmaður
"hindrar" kúluna ef hann eða eitthvað sem hann er í eða hann ber á
sér snertir kúluna í leik ef hún hefur ekki farið yfir borðið eða endalínu hans
hafi hún ekki snert leikflöt hans eftir að andstæðingurinn sló hana síðast.
8.9 "Sendandinn" er
leikmaðurinn sem slær kúluna fyrstur í hrinu.
8.10 "Móttakandinn"
er leikmaðurinn sem slær annar í hrinu.
8.11 "Dómarinn" er
sá maður sem skipaður er til að ákveða niðurstöðu hrinu.
8.12 Það sem leikmaður
"klæðist eða ber" er allt sem hann var klæddur eða með á sér við
upphaf hrinu.
8.13 Kúlan telst hafa farið
"yfir eða fyrir utan" netið ef hún fer undir eða útfyrir
netfestingarnar utan borðsins eða í svari er slegin eftir að hafa hoppað aftur
yfir netið.
9 LÖGLEG UPPGJÖF
9.1 Uppgjöf hefst þegar kúlan
liggur kyrr í opnum flötum lófa, fingur saman og þumalfingur laus, fyrir
aftan endalínunni og fyrir ofan leikflötinn.
9.2 Sendandinn skal því næst
kasta kúlunni sem næst beint upp án þess að á henni sé snúningur þannig að hún
fari í það minnsta 16 sm upp eftir að hafa legið í lófanum.
9.3 Sendandinn skal slá
kúluna á niðurleið þannig að hún
9.3.1 Í einliðaleik, snerti
fyrst borðshelming hans og síðan borðshelming móttakanda, þegar hún hefur farið
beint yfir eða fyrir utan netið.
9.3.2 Í tvíliðaleik, snertir
fyrst hægri hluta borðshelmings hans og síðan hægri hluta borðshelmings
móttakanda, þegar hún hefur farið beint yfir eða fyrir utan netið.
9.4 Bæði kúlan og spaðinn
skulu vera fyrir ofan leikflötinn frá þeim tíma að kúlan er kyrr í frjálsu
höndinni og þar til hún er slegin.
9.5 Þegar kúlan er slegin í
uppgjöf skal hún vera fyrir aftan endalínu eða ímyndaða framlengingu hennar, en
ekki lengra frá henni en sá hluti líkama sendanda, aðrir en handleggir, höfðu
eða fætur, sem fjærst er netinu.
9.6 Það er á ábyrgð
leikmannsins að hann gefi upp á þann hátt að dómarinn eða aðstoðardómarinn geti
séð hvort um löglega uppgjöf sé að ræða.
9.6.1 Í fyrsta sinn í leik
sem dómari er í vafa um lögmæti uppgjafar án þess að hann eða aðstoðardómari
eru viss um að hún sé ólögleg, getur hann aðvarað leikmanninn án þess að gefa
stig.
9.6.2 Í hvert sinn í sama
leik þegar vafi leikur á um lögmæti uppgjafar hvort heldur er af sömu ástæðu
eða ekki, skal hann tapa stigi.
9.6.3 Hvenær sem enginn vafi
er á um að uppgjöf sé ólögleg skal ekki aðvara heldur skal sendandi tapa stigi
hvort heldur um fyrsta skipti eða síðari er að ræða.
9.7 Undantekning, nákvæmu
eftirliti með uppgjöf má sleppa þegar dómara er tilkynnt um að leikmaður geti
ekki framfylgt ströngustu reglum sökum fötlunar.
10 LÖGLEG ENDURSENDING
10.1 Kúlan, hvort heldur í
uppgjöf eða í endursendingu skal slegin þannig að hún fari yfir eða fyrir utan
netið og snerti leikflöt andstæðingsins annaðhvort beint eða eftir að hafa
snert netið og festingar þess.
11 RÖÐ LEIKSINS
11.1 Í einliðaleik skal sá
sem gefur upp fyrst gefa upp löglega og skal móttakandi taka löglega á móti og
síðan skulu sendandi og móttakandi skiptast á að taka löglega á móti.
11.2 Í tvíliðaleik skal
sendandi fyrst gefa löglega upp móttakandi skal síðan taka löglega á móti,
síðan skal meðspilari sendanda taka löglega á móti þá skal meðspilari
móttakanda taka löglega á móti og síðan skulu leikmenn taka á móti löglega í
þessari röð.
12 Í LEIK
12.1 Kúlan er í leik frá
þeirri stundu sem hún er kyrr í lófa sendanda áður en að henni er varpað upp í
uppgjöf þar til
12.1.1 hún snertir eitthvað
annað en leikflötinn, net og festingar, spaðann í spaðahöndinni eða
spaðahöndina fyrir neðan úlnlið eða hrinan endar annaðhvort sem stig eða
stöðvun.
13 STÖÐVUN
13.1 Hrina skal stöðvuð
13.1.1 ef kúlan, í uppgjöf, á
leið yfir eða fyrir utan um net og festingar, snertir það, að því tilskildu að
uppgjöfin sé á allan annan hátt lögleg, eða henni sé blakað af móttakanda eða
meðspilara hans.
13.1.2 ef uppgjöf er gerð
þegar móttakandi eða par er ekki tilbúið, að því tilskildu að hvorki móttakandi
eða meðspilari hans reyna að slá kúluna
13.1.3 ef mistök við að gefa
löglega upp, taka löglega á móti, eða fylgja lögunum á annan hátt orsakast af
utanaðkomandi truflun sem leikmenn eiga ekki þátt í.
ef dómari eða aðstoðardómari
telja það nauðsynlegt.
13.2 Hrinu má stöðva
13.2.1 til að leiðrétta
mistök í röð á uppgjöf, móttöku eða borðshelming
13.2.2 til að aðvara eða
áminna leikmann
13.2.3 vegna þess að
leikaðstæður hafa breyst á þann hátt að það gæti haft áhrif á útkomu hrinunar.
14 STIG
14.1 Leikmaður skal, nema að
hrina sé stöðvuð, tapa stigi
14.1.1 ef honum mistekst
lögleg uppgjöf
14.1.2 ef honum mistekst
lögleg móttaka
14.1.3 ef hann blakar eða
hindrar kúluna, nema eins og getið er í 10.1.1
14.1.4 ef hann slær kúluna
tvisvar í röð
14.1.5 ef kúlan snertir
leikflöt hans tvisvar í röð
14.1.6 ef hann slær kúluna
með þeirri hlið spaðans sem er ekki í samræmi við kröfur í 4.3
14.1.7 ef hann, eða eitthvað
sem hann klæðist eða ber á sér, hreyfir leikflötinn
14.1.8 ef frjálsa höndin
snertir leikflötinn
14.1.9 ef hann, eða eitthvað
sem hann klæðist eða ber á sér, snertir netið eða festingar þess
14.1.10 ef í tvíliðaleik, að
uppgjöf eða móttöku undanskildu, slær kúluna, þegar meðspilarinn átti að slá
hana
15 LOTA
15.1 Lotu vinnur sá leikmaður
eða par sem fyrst vinnur 11 stig nema ef báðir leikmenn eða pör ná 10 stigum,
þá vinnur sá lotuna sem fyrr nær tveggja stiga mun.
16 LEIKUR
16.1 Leikur er annaðhvort 3
lotur unnar eða 4 lotur unnar.
17 VAL Á UPPGJÖF, MÓTTÖKU
EÐA BORÐSHELMING
17.1 Rétt til að velja fyrst
skal finna með hlutkesti.
17.2 Leikmaður eða par sem
vinnur réttinn má
17.2.1 velja að gefa upp, eða
taka á móti, þá má mótherjinn velja borðshelming
17.2.2 velja borðshelming, þá
má mótherjinn velja að gefa upp, eða taka á móti
17.2.3 láta mótherjann velja
fyrst, og velja síðan sjálfur þann kost sem eftir eru.
17.3 Í tvíliðaleik skal parið
sem byrjar á að gefa upp ákveða hvor leikmannanna gefur upp og
17.3.1 í fyrstu lotu ákveða
andstæðingarnir hvor þeirra skuli fyrst taka á móti
17.3.2 í þeim lotum leiksins
sem á eftir fara ákvarðast hver skuli fyrst taka á móti af því hver gefur upp,
samanber
18 RÖÐ UPPGJAFAR, MÓTTÖKU
OG BORÐHELMINGS
18.1 Eftir hver 2 stig á
leikmaður eða par sem tók á móti að gefa upp og þannig til skiptis allt til enda
lotunnar, eða þar til að báðir leikmenn eða pör ná 10 stigum, eða ef
tímatakmörkun er komin til.
18.2 Í tvíliðaleik
18.2.1 skal sá leikmaður sem
gefur fyrst upp vera sá sem parið sem vann uppgjafarval ákveður og sá sem tekur
fyrst á móti skal vera sá sem andstæðingarnir ákveða
18.2.2 annar til að gefa upp
skal vera sá leikmaður sem fyrst tók á móti og sá sem tekur þá á móti skal vera
meðspilari þess sem fyrst gaf upp
18.2.3 þriðji til að gefa upp
skal vera meðspilari þess sem fyrst gaf upp og sá sem þá tekur á móti er
meðspilari þess sem fyrst tók á móti
18.2.4 fjórði til að gefa upp
skal vera meðspilari þess sem fyrst tók á móti og sá sem tekur á móti er sá sem
gaf fyrst upp
18.2.5. fimmti til að gefa
upp skal vera sá leikmaður sem fyrst gaf upp og síðan skulu leikmennirnir gefa
upp til skiptis í þessari röð til loka lotunnar.
18.3 Ef báðir leikmenn eða
pör hafa náð 10 stigum, eða ef tímatakmörkun er komin til skal röð uppgjafar og
móttöku vera eins og fyrr greinir, nema að hver leikmaður gefur aðeins einu
sinni upp og þannig til skiptis til loka lotunnar.
18.4 Leikmaður eða par sem
fyrst gaf upp í lotu skal taka á móti í næstu lotu á eftir.
18.5 Í hverri lotu í
tvíliðaleik eftir þá fyrstu og ákveðið hefur verið hver gefur upp, skal sá sem
tekur á móti vera sá sem gaf upp á hann í lotunni næst á undan.
Í síðustu mögulegu lotu í
tvíliðaleik skal parið sem þá tekur á móti skipta á að taka á móti, þegar annaðhvort
parið hefur fengið 5 stig.
Leikmaður eða par skal skipta
um borðshelming eftir hverja lotu.
18.8 Í síðustu mögulegu lotu
í leik skulu leikmenn skipta um borðshelming þegar leikmaður eða par hefur náð
5 stigum.
19 RÖNG RÖÐ UPPGJAFAR,
MÓTTÖKU EÐA BORÐSHELMINGS
19.1 Ef leikmaður gefur upp
eða tekur á móti í rangri röð, skal stöðva leikinn og hefja hann aftur þannig
að sá leikmaður sem átti að gefa upp samkvæmt réttum reglum um röð uppgjafar og
móttöku gefi upp.
19.2 Ef leikmenn hafa ekki
skipt um borðshelming skal stöðva leikinn og hefja hann aftur þannig að
leikmenn séu við réttan borðshelming eins og ákveðið var við upphaf fyrstu
lotu.
19.3 Stöðu skal aldrei breytt
þó svo að mistök hafi átt sér stað í röð uppgjafar, móttöku eða við að skipta
um borðshelming.
19.4.1. Uppgjöf (sérákvæði) Sé
athygli vakin á því áður en keppni hefst að keppanda muni vegna fötlunar sinnar
reynast erfitt að gefa upp samkvæmt ítrustu reglum hefur dómari leyfi til þess
að aðlaga reglurnar eftir getu hvers og eins. Keppanda ber þó að kasta kúlunni
um 16 sm upp eins og aðrir (það þarf ekki endilega að kasta upp með lausu hendinni).
Dómara ber að gæta þess að keppandi hagnist ekki á uppgjöf t.d. með snúningi
með fingrum eða skelli.
19.4.2. Uppgjafir fyrir sitjandi hreyfihamlaða skal alltaf fara út af skammhlið
andstæðingsins. Uppgjöf sem fer út af langhlið andstæðingsins er ekki tekin
gild og skal uppgjöf endurtekin. Einnig skal endurtaka uppgjöf ef kúlan fer til
baka að netinu eða beint upp eftir að hafa lent á borði andstæðingsins. Ef
andstæðingurinn tekur á móti uppgjöfinni þá telst hún gild.
Þetta á ekki við í opnum flokki en þar gilda reglur Alþjóða
borðtennissambandsins (ITTF).