Sochi: 4 dagar til stefnu

Hluti íslenska hópsins er nú kominn til Sochi þar sem vetrarólympíumót fatlaðra verður sett þann 7. mars næstkomandi með mikilli opnunarhátíð sem jafnan nær hápunkti með inngöngu íþróttamanna á Ólympíuleikvanginum.

Íslenski fáninn blakti við hún í Costal Ólympíumótsþorpinu í morgun þegar íslensku sveitina bar að garði en eftir stutta dvöl í strandþorpinu var haldið áleiðis upp í fjöll.

Flest hver löndin eru nú að týnast inn í fjallaþorpið og æfingar hafnar en keppendurnir Erna Friðriksdóttir og Jóhann Þór Hólmgrímsson mæta til Sochi árla dags á miðvikudag.

Keppnisdagskrá Ernu og Jóhanns í Sochi