Arnar fimmti skammt frá sínu besta

Arnar Helgi Lárusson varð áðan fimmti í 100m hjólastólakappakstri í flokki T53 á Evrópumeistaramóti fatalaðra í Swansea. Arnar kom í mark á tímanum 18,86 sek. en Íslandsmet hans í greininni er 18,65 sek. Sigurvegarinn var Bretinn Mickey Bushell á 15,58 sek. en Evrópumet hans í greininni er 14,47 sek. Mótvindur var -1,4.

Ekki vildi Íslandsmetið falla þetta sinnið en eins og kemur fram var nokkur mótvindur og náði aðeins einn keppenda að bæta besta tíma ársins hjá sér en það var Frakkinn Pierre Fairbank sem hlaut silfurverðlaun á 15,78 sek.

Arnar Helgi hefur þó ekki sungið sitt síðasta hér úti í Swansea en á morgun keppir hann í 200m hjólastólakappakstri en það verður Matthildur Ylfa Þorsteinsdóttir sem opnar daginn fyrir Ísland á morgun þegar hún keppir í langstökki í flokki T37.

Úrslit

Rank	Bib	Name	Reaction Time	Fn	Result
1	249	BUSHELL Mickey (T53)			15.58
2	230	FAIRBANK Pierre (T53)			15.78			SB
3	226	BRIGNONE Nicolas (T53)			16.53
4	397	MESSINA Ivan Carmelo (T53)			18.09
5	385	LARUSSON Arnar Helgi (T53)			18.86

Mynd/ Arnar Helgi keyrði vel í Swansea í dag og var ansi nærri Íslandsmeti sínu.