Arnar Helgi með tvö ný Íslandsmet í Coventry

Arnar Helgi Lárusson kom á dögunum heim til Íslands með tvö ný og glæsileg Íslandsmet í Wheelchair racing (hjólastólakappakstri). Arnar keppti á Godiva Classic mótinu í Coventry á Englandi en veðurskilyrði á keppnisdögum voru ekki sérlega hagstæð og fella varð niður keppni í 200m Wheelchair race.

Árangur Arnars á mótinu

5000m - 15:39;85 mín.
(Bætti gildandi Íslandsmet sitt úr 16:50;81 mín).

100m - 17,77 sek.
(Bætti gildandi Íslandsmet sitt úr 18,39 sek).

Arnar hafnaði í 2. sæti í 100m race keppninni og varð svo sjöundi í 5000m keppninni.

Mynd/ Arnar Helgi við æfingar í Coventry en þar dvaldi hann við bæði æfingar og keppni.