Fjögur ný Íslandsmet á ÍM 50 í Vatnaveröld

Alls fjögur ný Íslandsmet litu dagsins ljós á Íslandsmóti Íþróttasambands fatlaðra í sundi í 50m laug. Tvö metanna komu á laugardeginum en þar voru þær Sandra Sif Gunnarsdóttir og Sonja Sigurðardóttir að verki. Næstu tvö met komu í dag og féllu þau bæði í boðsundi.

Sandra Sif setti nýtt Íslandsmet í 200m skriðsundi í flokki S13 (sjónskertir) er hún synti á tímanum 2:59,66 mín. Sonja setti svo nýtt Íslandsmet í 100m baksundi í flokki S4 (hreyfihamlaðir) er hún synti á tímanum 2:15,88 mín.

Í boðsundinu í dag setti sveit Fjarðar nýtt met í 4x100m skriðsundi í flokki S14 (þroskahamlaðir) en tími sveitarinnar var 4.52,79 mín. Sveitina skipuðu Ásmundur Þ. Ásmundsson, Ragnar Ingi Magnússon, Adrian Erwin og Róbert Ísak Jónsson.

Seinna metið í boðsundinu var sett af ÍFR í flokki hreyfihamlaðra í 4x50m skriðsundi en sveitin kom í bakkann á tímanum 3:02,63 mín. Sveitina skipuðu Sonja Sigurðardóttir, Thelma Björg Björnsdóttir, Guðmundur Hákon Hermannsson og Guðmundur Karlsson.

Mynd/ Jón Björn - Thelma Björg Björnsdóttir í Vatnaveröld um helgina en hún var í boðssundsveit ÍFR sem setti nýtt Íslandsmet í dag.