FRÍ sæmdi Kára gullmerki

Frjálsíþróttasamband Íslands sæmdi Kára Jónsson gullmerki sambandsins um síðastliðna helgi á frjálsíþróttaþinginu á Selfossi. Kári er einnig silfurmerkishafi Íþróttasambands fatlaðra.

Kári er landsliðsþjálfari ÍF í frjálsíþróttum og næstkomandi föstudag heldur hann ásamt Ástu Katrínu Helgadóttur með fjóra frjálsíþróttamenn á alþjóðlegt mót í Túnis.

ÍF óskar Kára innilega til hamingju með gullmerki FRÍ.