Vel heppnað Íslandsmót að baki

Um 400 íþróttamenn frá næstum því 30 félögum tóku þátt í Íslandsmóti ÍF um helgina. Mótið tókst vel til þar sem hvert afrekið á fætur öðru leit dagsins ljós. Í mörg horn er að líta og í dag og á næstu dögum munum við setja inn úrslit frá mótinu ásamt fréttum og myndum.

Íþróttasamband fatlaðra vill koma á framfæri innilegu þakklæti til allra þeirra sem tóku þátt í mótinu og hjálpuðu við að gera það jafn vel úr garði og raun bar vitni. Sérstakar þakkir fá allir þeir öflugu sjálfboðaliðar sem lögðu mótinu lið en þeir unnu mikið þrekvirki um helgina.

Mynd/ Sveitakeppnin í boccia var spennandi sem fyrr.