Fjórir íslenskir sundmenn á Opna breska

Fjórir íslenskir sundmenn eru komnir út til Bretlands þar sem þeir munu taka þátt á opna breska meistaramótinu í sundi sem fram fer í Sheffield. Kristín Guðmundsdóttir landsliðsþjálfari ÍF í sundi fer fyrir hópnum en henni til aðstoðar er Helena Hrund Ingimundardóttir.

Sundmennirnir ytra eru:
Hjörtur Már Ingvarsson - Fjörður
Jón Margeir Sverrisson - Ösp/Fjölnir
Kolbrún Alda Stefánsdóttir - Fjörður/SH
Aníta Ósk Hrafnsdóttir - Fjörður

Opna breska er árlegur viðburður sem íslenskir sundmenn hafa sótt vel síðustu ár en núna eru allir að berjast fyrir því að ná lágmörkum og sem bestum lágmörkum í þeirri viðleitni sinni við að komast á Ólympíumót fatlaðra í London.
 
Mynd/ Hjörtur Már Ingvarsson úr Þorlákshöfn er í Bretlandi þessa dagana en mótinu lýkur þann 8. apríl n.k.