Lionsklúbburinn Eir styrkir ÍF

Félagar í Lionsklúbbnum Eir komu færandi hendi á dögunum en klúbburinn veitti þá ÍF myndarlegan fjárstyrk í tilefni af stóru og annasömu ári. Íþróttasamband fatlaðra sendir Lionsklúbbnum sínar bestu þakkir fyrir styrkinn en það er ómetanlegt þegar Lionsklúbbar og aðrir leggja íþróttastarfi fatlaðra lið.

Í ár er Ólympíumótsár en Ísland mun senda fulltrúa á Ólympíumót fatlaðra í London og þá hafa önnur stór verkefni verið á dagskrá sem fyrri ár svo fatlaðir íslenskir íþróttamenn sitja ekki auðum höndum.

Þess má einnig til gamans geta að fyrrum varaformaður ÍF, Camilla Th. Hallgrímsson, er meðlimur í Lionsklúbbnum Eir.

Okkar bestu þakkir fyrir.

Mynd/ Ólafur Magnússon framkvæmdastjóri fjármála- og afrekssviðs ÍF lengst til vinstri og Jóhann Arnarson gjaldkeri ÍF ásamt fulltrúum úr Lionsklúbbnum EIr.