Sumaræfingar í sundi

Vegna undirbúnings íslenska sundfólksins fyrir Ólympíumót fatlaðra í London 2012 munu landsliðaþjálfarar ÍF frá og með 4. júlí n.k. standa fyrir sumaræfingum í Ásvallalaug í Hafnarfirði.

Æfingar þessar eru opnar þeim einstaklingum sem tekið hafa þátt í landsliðsverkefnum ÍF undangengna mánuði og fara fram mánudaga til föstudaga frá 08:00 – 10:00 og mánudaga, þriðjudaga og föstudaga frá 16:00 – 18:00.

Æfingaaðstaða og þjálfun eru sundmönnum að kostnaðarlausu en annan kostnað s.s. ferðir, fæði og uppihald ber sundfólkið sjálft.

Þeir sem áhuga hafa á því að nýta sér sumaræfingar þessar eru vinsamlegast beðin að skrá sig hjá if@isisport.is

(Tekið er fram að æfingar falla niður dagana 16.-20. júlí).