Londonhópurinn kynntur í dag: Tveir í frjálsum og tveir í sundi

Þá er ljóst hvaða fjórir einstaklingar munu keppa fyrir Íslands hönd á Ólympíumóti fatlaðra í London í ágúst og september en mótið hefst eftir nákvæmlega 54 daga. Íslenski hópurinn var kynntur í sendiherrabústað Breta í Reykjavík í dag en hann skipa tveir frjálsíþróttamenn og tveir sundmenn. Enginn þeirra hefur áður farið á Ólympíumót fatlaðra.

Íslenski hópurinn:

Helgi Sveinsson, Ármann - frjálsar
Matthildur Ylfa Þorsteinsdóttir, ÍFR - frjálsar
Kolbrún Alda Stefánsdóttir, SH - sund
Jón Margeir Sverrisson, Fjölnir - sund

Hópurinn heldur út þann 25. ágúst næstkomandi og er væntanlegur aftur heim til Íslands þann 10. september.

Þjálfarar Íslands í London verða:

Kári Jónsson - frjálsar
Ásta Katrín Helgadóttir - frjálsar
Kristín Guðmundsdóttir - sund
Vadim Forafonov - sund

Mynd/ Íslenski hópurinn var kynntur í dag. Með þeim á myndinni eru Sveinn Áki Lúðvíksson formaður ÍF og Hr. Ian Whitting sendiherra Breta á Íslandi. Jón Margeir Sverrisson gat því miður ekki verið viðstaddur kynninguna en hann er við æfingar erlendis ásamt þjálfara sínum Vadim Forafonov.