Sex fatlaðir íþróttamenn fengu úthlutað afreksstyrkjum

Afrekssjóður ÍSÍ og Styrktarsjóður ungra og framúrskarandi efnilegra íþróttamanna úthlutuðu í dag samtals 81 milljón króna, 71 milljón úr Afrekssjóði ÍSÍ og 10 milljónir úr Sjóði ungra og framúrskarandi efnilegra íþróttamanna. Jón Margeir Sverrisson heims- og Ólympíumethafi hlaut A-styrk við úthlutunina.
 
Framlag ríkisins til Afrekssjóðs ÍSÍ árið 2013 hækkaði í 55 milljónir króna en var árið 2012 34,7 milljónir auk þess var það ár veittur sérstyrkur vegna undirbúnings fyrir Ólympíuleikana í London að upphæð 25 milljónir.
 
Úthlutun til handa Íþróttasambandi fatlaðra var því samtals 5.720.000,- milljónir króna þetta árið.
 
Jón Margeir Sverrisson – sund: A-styrkur
Helgi Sveinsson – frjálsar: C-styrkur
 
Erna Friðriksdóttir – skíðaíþróttir: Eingreiðslustyrkur
Jóhann Rúnar Kristjánsson – borðtennis: Eingreiðslustyrkur
Matthildur Ylfa Þorsteinsdóttir – frjálsar: Úthlutun úr styrktarsjóði ungra og framúrskarandi efnilegra íþróttamanna
Kolbrún Alda Stefánsdóttir – sund: Úthlutun úr styrktarsjóði ungra og framúrskarandi efnilegra íþróttamanna
 
Landsliðsverkefni ÍF fengu úhlutað einni milljón króna úr Afrekssjóði ÍSÍ og fræðsla og fagteymi fengu 400.000,-

Mynd/ Íslensku Ólympíumótsfararnir með forsetahjónunum að Bessastöðum í september 2012 eftir komu þeirra heim frá London. Helgi, Jón, Kolbrún og Matthildur voru öll á meðal styrkþega í dag.