Farsælt samstarf Arion banka og ÍF framlengt

Arion banki og Íþróttasamband fatlaðra undirrituðu samstarfssamning sem felur í sér að Arion banki verður áfram einn af aðalbakhjörlum sambandsins. Höskuldur H. Ólafsson, bankastjóri Arion banka og Sveinn Áki Lúðvíksson, formaður Íþróttasambands fatlaðra skrifuðu undir styrktarsamninginn sem gildir fram yfir Ólympíumótið í Brasilíu árið 2016. Allt frá stofnun Íþróttasambands fatlaðra 1979 hefur Arion banki og fyrirrennarar hans verið einn stærsti styrktaraðili íþrótta fatlaðra hér á landi.



Sveinn Áki Lúðvíksson, formaður Íþróttasambands fatlaðra:
„Það er mikil ánægja með stuðning Arion banka: ,,Við Íslendingar höfum eignast fjölda ólympíu- og heimsmeistara í íþróttum fatlaðra og stuðningurinn nú hvetur okkur til áframhaldandi afreka.“



Höskuldur H. Ólafsson, bankastjóri Arion banka;
„Það er heiður að fá tækifæri til að taka þátt í að efla íþróttir fatlaðra hér á landi. Við teljum mikilvægt að halda áfram þessu góða samstarfi við Íþróttasamband fatlaðra og óskum þeim velfarnaðar í því starfi sem framundan er. Það var sérstaklega mikið ánægjuefni að fylgjast með Ólympíumótinu síðasta sumar og árangur keppendanna góður og ekki á hverjum degi sem gullið skilar sér heim.“

Mynd/ Sveinn Áki t.v. og Höskuldur t.h.