Frjálsíþróttaæfingar fyrir fötluð börn og ungmenni

Á fimmtudag hefjast að nýju frjálsíþróttaæfingar fyrir fötluð börn og ungmenni 13 ára og yngri. Ingólfur Guðjónsson stýrði þessum æfingum síðastliðinn vetur en verður ekki með hópinn að þessu sinni sökum anna. Þau Linda Kristinsdóttir formaður frjálsíþróttanefndar ÍF og Theodór Karlsson nefndarmaður í frjálsíþróttanefnd ÍF munu taka við hópnum.

Æfingar munu eins og áður fara fram í Frjálsíþróttahöllinni í Laugardal á fimmtudögum frá kl. 16:30-17:30 og eru öll börn með fötlun á aldrinum 13 ára og yngri velkomin.

Hópurinn hefur síðustu misseri tekið þátt í Íslandsmótum ÍF í frjálsum en keppa þá sem sér hópur þar sem allir fá þátttökuverðlaun og hefur þessi þátttaka hópsins sett bæði skemmtilegan svip á Íslandsmótið og margir innan hópsins tekið athyglisverðum framförum.

Við hvetjum alla til þess að mæta og prófa en æfingar hefjast nú á fimmtudag, 10. október. Einnig er hægt að hafa samband við skrifstofu ÍF fyrir nánari upplýsingar eða við Lindu í síma 8627555 og Theodór í síma 6630876.