Fundargerð formannafundar haldinn á Akureyri 1. maí 1999.

Á fundinn mættu eftirtaldir aðilar.

Sveinn Áki Lúðvíksson, ÍF (SÁL)

Kristján Svanbergsson, ÍF (KS)

Ólafur Þ. Jónsson, ÍF (ÓÞJ)

Camilla Th. Hallgrímsson, ÍF (CTH)

G. Sóley Guðmundsdóttir, Örvars (GSG)

Inga Harðardóttir, Þjóts (IH)

Valgerður Hróðmarsdóttir, Firði (VH)

Kristján M. Ólafsson, Gný (KMÓ)

Valgerður Pálsdóttir, Gný (VP)

Guðmunda Jónasdóttir, Kveldúlfi (GJ)

Hafsteinn Ingibergsson, Ness (HI)

Gísli H. Jóhannsson, Nes (GHJ)

Þórður Á. Hjaltested, ÍF/Gáski (ÞÁH)

Jósep Sigurjónsson, Akurs (JS)

Ísleifur Bergsteinsson, ÍFR (ÍB)

Bragi Sigurðsson, bocciadeild Völsungs (BS)

Haukur Þorsteinsson, Eikar (HÞ)

Ólafur Ólafsson, Aspar (ÓÓ)

Salmína S. Tavsen, Grósku (SST)

Erlingur Þ. Jóhannsson, ÍF (EÞJ)

Svava Árnadóttir, ÍF (SÁ)

Margrét Hallgrímsdóttir, ÍF (MH)

Svanur Ingvarsson,Suðra (SI)

Ólafur Magnússon, ÍF (ÓM)

Anna Guðrún Sigurðardóttir, ÍF (AGS)

Á dagskrá fundarins var:

1. Fundarsetning; Sveinn Áki Lúðvíksson, formaður ÍF

2. Skýrsla stjórnar

3. Samstarfssamningur Flugfélags Íslands og Íþróttasambands Fatlaðra

4. Afmæli ÍF

5. Frá milliþinganefnd

6. Endurskoðun laga ÍF

7. Íslandsmót ÍF

8. Fjáraflanir, Kristján Svanbegsson, ÍF

Ólafur Magnússon, ÍF

Gísli Jóhannsson, Nes

9. Vetraríþróttir fatlaðra, Þröstur Guðjónsson

10. Annað

1. – 2.

SÁL bauð fundarmenn velkomna á fundinn og las yfir dagskrá fundarins. Þessu næst stiklaði hann á stóru í skýrslu stjórnar ÍF og sagði frá helstu verkefnum, s.s. mótum, fundum, námskeiðum og kynningum sem ÍF hefur tekið þátt í frá Sambandsþingi ÍF 1998. Ein fyrirspurn kom um að sundbæklingur sem sundnefnd ÍF hannaði fyrir alla sundþjálfara á landinu hefði ekki sést hjá aðildarfélögum ÍF.

Sagði ÓM að hann yrði sendur með fundargerðinni, og skýrði EÞJ frá því að þessi bæklingur hefði verið sendur til allra sundþjálfara hjá Sundfélögum ófatlaðra, en árétti að bæklingurinn yrði sendur til aðildarfélaga ÍF.

SST sagði að kynningar væru nauðsynlegar og þyrfti helst að auka þær þar sem þær eru mjög jákvæðar og verða til þess að fólk þekkir bæði sambandið, starfið og aðildarfélögin betur.

ÍB sagðist sammála og sagði að ÍFR hefði að einhverju leiti kynnt starf sitt með kynningum, en sagði að það þyrfti að leggja meiri áherslu á kynningar.

HÞ sagði frá því að í Eik er lítil nýliðun, en sagði að þar gætu margar ástæður legið að baki, en hann sagði að bæjarbúar þekktu félagið, þannig að það væri ekki kynningu að kenna.

ÓÓ sagði að Ösp sendi út bréf um starfsemi Aspar til kynningar á félaginu til sérkennara sem kæmi síðan upplýsingunum áfram til sinna skjólstæðinga, ÓÓ sagði að þetta hefði skilað sér með aukinni þátttöku hjá félaginu.

GHJ sagði að félögin þyrftu stanslaust að þrýsta á staðarblöðin, senda inn greinar og myndir af öllu því sem er að gerast hjá félaginu, því ekki kæmu fjölmiðlanir á staðinn, en þetta hefur reynst vel hjá Nesi.

GJ sagði aukningu hafa orðið í Kveldúlfi, sérstaklega eftir góðan árangur Einars Trausta en hún tæki eftir því að fólk væri ennþá hrætt við að koma.

ÍB sagðist hafa viljað fá smá umræðu um þessi kynningarmál frá hinum félögunum, en hann minntist einnig á af hverju fjölmiðlar væru algjörlega áhugalausir þegar kæmi að fötluðu afreksfólki, að þeim fyndist afrek fatlaðra ekki á við afrek ófatlaðra.

SÁL lauk þessum umræðum með því að segja að samkvæmt skoðanakönnun sem ÍF lét gera 1998, hefði almenningur í landinu áhuga og þekkingu á starfi ÍF en fjölmiðlar lítinn sem engan áhuga, hverju sem um væri að kenna.

3.

ÓM sagði frá samningum sem nýbúið er að undirrita við Flugfélag Íslands, en samkvæmt þeim fær ÍF og aðildarfélög þess tækifæri á að fljúga innanlands á lægri hópfargjöldum en annars.

(Samningi var dreift til fundarmanna)

4.

SÁL sagði frá starfsemi ÍF á 20 ára afmæli sambandsins og ýmsum atriðum tengd afmælinu s.s.

Ø Ratleik sem haldinn verður sunnudaginn 16. maí og hvatti aðildarfélögin að auglýsa þessa uppákomu vel og hvatti þau jafnframt til þess að taka þátt.

Ø Móttöku sem verður á Hótel Sögu á 20 ára afmælisdag ÍF, þann 17. maí n.k., en þar eru aðildarfélög ÍF velkomin til að taka þátt í afmælishátíðinni.

Ø Heimsókn forseta IPC (alþjóðaólympíunefndar fatlaðra), en hann mun m.a. koma fram í fjölmiðlum, hitta forseta Íslands, forseta ÍSÍ, íþróttafulltrúa ríkisins og taka þátt í afmælishátíðinni.

Ø SÁL sagði þetta ár vera tileinkað íþróttum fyrir þá sem ekki teljast til afreksfólks og sagði einnig frá tveimur stærstu verkefnum sem ÍF tekur þátt í á árinu en það er norræna barna- og unglingamótið sem haldið verður í Finnlandi í júní og Sumarleikum Special Olympics sem verða haldnir í Bandaríkjunum í júní/júlí, en þetta er stærsti íþróttaviðburður heims á þessu ári.

Ø Smásagnasamkeppni grunnskólabarna sem stefnt er á að halda í haust.

Ø Námskeiði/kynningu fyrir leiðbeinendur mikið fatlaðra sem haldið verður í október.

5.-6.

ÞÁH sagði frá starfi milliþinganefndar frá Sambandsþingi 1998 og kynnti breytingatillögu nefndarinnar á lögum ÍF. Nokkrar umræður urðu um 5. grein laganna en ekki er endanlega búið að vinna að þessari tillögu.

Í þessum lið sögðu SÁL og ÓM að ÍF og jafnvel aðildarfélög þess þyrftu að fara að huga að stefnumótun-hvert eiga íþróttir fatlaðra að stefna á nýrri öld. Á ÍF t.d. að taka að sér allar þær greinar sem óskað væri eftir eða á ÍF að vera í samstarfi með hinum samböndunum innan ÍSÍ, t.d. vegna kynninga á nýjum íþróttagreinum. Hvað með nýja skaðahópa ?

ÍB sagði að ÍFR væri búið að gera ákveðna stefnumótun, t.d. varðandi þátttöku geðfatlaðra og einhverfra í íþróttum fatlaðra, einnig sagði hann mikilvægt að sjálfboðaliðavinnan sem væri mikil í þessum geira, að hún myndi halda áfram.

EÞJ sagði fjölda geðfatlaðra/einhverfra væri alltaf að verða meiri og meiri. Benti EÞJ á að það væri ekkert síður hlutverk almennra íþróttafélaga að sinna þessun hópi einstaklinga en íþróttafélaga fatlaðra. EÞJ lagði áherslu á að ef íþróttafélög fatlaðra tækju að sér kennslu/þjálfun þessara einstaklinga kæmi til sér greiðslna frá sveitarfélögum.

ÍB sagði að ÍFR hefði tekið inn á æfingar ofvirka einstaklinga og gengið vel.

ÓÓ bætti því við að Öspin tæki þessa einstaklinga líka en þá væri farið fram á það að þeir hefðu með sér séraðstoðarmann á æfingar. ÓM endurtók það að ÍF og aðildarfélögin þyrftu að taka ákveðna stefnu vegna starfa sinna, t.d. varðandi það að taka inn nýjar greinar, er það skylda ÍF að taka það að sér, eða geta hin sérsamböndin tekið á því.

SÁL bað fundarmenn um samþykki fyrir því að ÍF ynni að stefnumótun fyrir sambandið og aðildarfélög þess og að milliþinganefnd fengi leyfi til að halda áfram að vinna að endurskoðun laganna og voru fundarmenn sammála honum um það.

7.

ÓM sagði það orðið mjög erfitt að innkalla farandbikara sem keppendur fá á Íslandsmótum. Bað hann vegna þess um samþykki fundarmanna að hannaðir yrðu eignabikarar í staðinn fyrir farandbikar og var það samþykkt með lófaklappi fundarmanna.

ÓM kynnti útbreiðsluverkefni sem nýráðinn landsliðsþjálfari ÍF í frjálsum íþróttum vinnur að fyrir KHÍ - Fjör í Frjálsum.

GHJ sagði að á Íslandsmótum ÍF væru dómaramál í boccia ekki nægilega góð og kom fram með tillögu sem gekk út á það að miðað við ákveðinn fjölda af liðum sem félögin senda á mótið, þá þyrftu félögin að útvega vissan fjölda af dómurum, miklar umræður urðu um þessi mál og m.a. sagðist HÞ algjörlega vera á móti þessari tillögu þar sem þetta hefði í för með sér of háan kostnað sem félagið gæti ekki staðið undir, en hann sagðist geta útvegað þennan fjölda dómara en félagið myndi þá ekki greiða fyrir þá.

IH sagði það mjög mikilvægt að fá “alvöru” dómara á þessu mót, en ÓÓ sem talaði fyrir boccianefnd sagði að oft kæmi það fyrir að félögin væru að senda algjörlega óhæfa dómara á mótin og það þyrfti að gera eitthvað í þessum málum.

JS benti á að boccia væri ekki eina greinin sem vantaði dómara, það ætti alveg eins við í borðtenniskeppninni þar sem keppendur eru að dæma líka, og þetta ætti líka við í íþróttum ófatlaðra, JS sagði að kynningar ÍF hlytu að skila sér í fleira fólki sem hægt væri að láta dæma á Íslandsmótum.

ÍB sagði að hægt væri að lækka kostnaðinn við að félögin kæmu með dómara, einfaldlega með því að félöginn ynnu betur saman, t.d. gæti hann og fleiri aðilar útvegað gistingu ef á þyrfti að halda, sagði að fólk þyrfti að athuga þetta betur.

8.

ÓM hélt erindi ásamt KS um hvernig staðið skyldi að því að afla sér styrktar og samstarfsaðila.

GHJ fór yfir fjáraflanir sem Nes hefur staðið fyrir og hvernig hin aðildarfélögin gætu verið að nýta sér einfaldar og mjög kostnaðarlitlar hugmyndir um fjáröflun fyrir félögin.

CTH sagði, vegna þess hversu fjölmiðlar eru áhugalausir um íþróttir fatlaðra, að hægt væri að hanna staðlað bréf með texta og myndum af keppendum sem yrði síðan látið sem auglýsing í fjölmiðla þar sem tilkynnt væri um árangur þeirra á hinum ýmsu mótum.

ÓÞJ benti á að ÖBÍ væri með sérstakan blaðafulltrúa, spurði hvort ekki væri hægt að skipa ákveðin blaðafulltrúa um íþróttir fatlaðra.

9.

Þröstur Guðjónsson hélti erindi um ferð sína til Aspen í Bandaríkjunum þar sem hann lærði að leiðbeina og kenna fötluðum í vetraríþróttum, hann sýndi mjög áhugaverðar myndir frá skíðasvæðinu þar sem sýnt var hvernig þessi kennsla fer fram.

10.

SÁL minntist á kjör Íþróttamanns ársins, velti því upp hvort ÍF ætti að draga sig úr kjöri íþróttafréttaritara ársins, þar sem oftast hafa fatlað afreksfólk ekki komist á blað. Þessu næst þakkaði SÁL fundarmönnum fyrir árangursríkan og góðan fund og sleit fundi.