| Það er óhætt
að segja að knattspyrna sé íþrótt sem allir geti tekið þátt í á
einhvern hátt, hvort sem um sé að ræða beina iðkun knattspyrnu eða þá
að taka þátt sem áhorfandi eða stuðningsmaður. Fötlun þarf
ekki að koma í veg fyrir að fólk geti tekið þátt í
"boltanum". |
 |
| - |
| Laugardaginn 20.
maí sl. stóðu Knattspyrnusamband Íslands og Íþróttasamband
Fatlaðra að “Fótboltafjöri” fyrir fatlaða í
Reykjaneshöll. “Fótboltafjörið”
var hluti af Íþróttahátíð
ÍSÍ 2000 auk þess að vera liður í átaki UEFA í því að útbreiða
enn frekar knattspyrnu sem íþrótt fyrir alla - án tillits til kyns,
aldurs, getu eða fötlunar. Til að standa að þessu átaksverkefni með sér fékk
UEFA m.a. í lið með sér Special Olympics, sem eru alþjóðasamtök þroskaheftra
íþróttamanna og Íþróttasamband Fatlaðra er fulltrúi fyrir hér á
landi. |
| - |
|
| Um
50 þroskaheftir einstaklingar mættu til leiks og komu þeir víðs vegar
að af landinu. “Fótboltafjörið”
hófst með upphitun sem Atli Eðvaldsson þjálfari A-landsliðs Íslands
stjórnaði. Þá var reynt
með sér í knattþrautum og að því búnu var hrint af stað móti þar
sem liðaskipting miðaðist við að hafa getu einstaklinganna sem
jafnasta.
Eftir að hlé
hafði verið gert og þátttakendur neytt ávaxta og orkudrykkja kepptu
einstaklingar frá Reykjavíkursvæðinu á móti köppum af landsbyggðinni. Fullkomið jafnræði ríkti milli Reykjavíkur og landsbyggðarinnar
þar sem Reykjavík sigraði í hópi þeirra getumeiri en landsbyggðin
í hópi þeirra getuminni.
|
 |
| - |
|
| Til þess að lögum og reglum kattspyrnunnar væri hlýtt
önnuðust Landssímadeildar- og Milliríkjadómarar KSÍ dómgæslu allra
leikja “Fótboltafjörsins”.
Dómarana má sjá á
myndinni hér til hægri, ásamt hluta þeirra sem sáu um skipulagningu
og framkvæmd þessa viðburðar.
|
 |
| - |
|
| Það var síðan
Haukur Ingi Guðnason leikmaður Liverpool og KR sem afhenti þátttakendum
viðurkenningarpening Íþróttahátíðar ÍSÍ, veifu KSÍ fyrir þátttöku
í knattþrautum og stuttermaboli til minja um þátttökuna í þessu í
“Fótboltafjöri” KSÍ og ÍF/Special Olympics Ísland.
Mikil ánægja ríkti
meðal þátttakenda með þetta framtak KSÍ og ÍF sem verður vonandi
til þess að auka enn frekar á þátttöku fatlaðra í knattspyrnu sem
fram il þessa hefur því miður hefur verið allt of lítil.
|
 |