Frumsýning: Fimmtudaginn 23. apríl - klukkan 15:00
Leikritið Skógarheimar fjallar um mikilvægi þess að bursta tennur reglulega og hugsa vel um náttúruna. Persónur leikritsins koma úr hinum ýmsu áttum en allar eru þær þekktar meðal Íslendinga. Mikki, Lilli klifurmús, Hérastubbur bakari, Bakaradrengurinn, Karíus og Baktus, Soffía frænka, Jesper, Kasper og Jónatan koma öll úr smiðju Thorbjörns Egner. Lína Langsokkur kemur frá Astrid Lindgren og Rauðhetta úr ævintýrum Grims bræðra.

Leikritið er eftir Magnús J. Magnússon og skrifaði hann það fyrir Leikhópinn Lopa sem frumsýndi verkið árið 2006. Leikritið heitir upprunalega Skógarlíf en við fengum
aðeins að fikta í því eins og okkar er háttur og endurskýrðum það Skógarheimar, með
tilvísun í Sólheima. Við bættum einnig við nokkrum valinkunnum persónum eins og
Gísla, Eirík og Helga, Mjallhvíti, Dvergunum 7, o.fl. svo að allir gætu verið með,
söng og fjöri eins og tíðkast á Sólheimum.

Leikfélag Sólheima er einstakt, þar koma saman ungir sem aldnir, fatlaðir sem ófatlaðir og hver einstaklingur hefur hlutverki að gegna.

Svo vel var tekið á móti Dýrunum í Hálsaskógi á Sólheimum í fyrra að nokkur dýranna settust þar að og ákváðu að vera með okkur aftur í ár. Vonum við að áhorfendur skemmti sér jafn vel og við gerðum við uppsetningu verksins.

Verið hjartanlega velkominn á uppfærslu okkar á leikritinu Skógarheimar á Sólheimum
Höfundur : Magnús J. Magnússon
Staðfært : Þórný Björk Jakobsdóttir sem er jafnframt Leikstjóri verksins

Næstu sýningar:
Laugardaginn, 25. aprí, klukkan 15:00 - 14 ára og eldri 1500 krónur
Sunnudaginn, 26. apríl, klukkan 15:00 - 6 til 14 ára 700 krónur
Föstudaginn, 1. maí, klukkan 15:00
Laugardaginn. 2. maí, klukkan 17:00 - Sjá : www.solheimar.is
Sunnudaginn, 3. maí, klukkan 15:00

Miðasala í síma: 847-5323