Átta fatlaðir skíðamenn á Andrésar Andar leikunum |
Gleðilegt sumar Andrésarkrakkar, mömmur og pabbar, þjálfarar og aðrir
fylgifiskar. Sum ykkar hafa e.t.v. tekið eftir því að á þessum Andrésarleikum er flokkur sem heitir Stjörnuflokkur en þar renna sér krakkar sem eru með einhvers konar fötlun. Í 12 ára flokki keppir einnig strákur sem er með hreyfihömlun og skertan mátt í fótum á svokölluðu monóskíði. Þetta er í fyrsta skipti sem krakkar með fötlun taka þátt í Andrésarleikunum með formlegum hætti. Mér finnst hins vegar afar líklegt að í gegnum árin hafi krakkar með fötlun keppt á Andrésarleikunum þó það hafi ekki komið sérstaklega fram. Af þessu tilefni langar mig að þakka Andrésarnefndinni fyrir frumkvæðið og að hafa komið þessu af stað. Það er fyrir löngu tímabært að krakkar með fötlun taki þátt í skíðamóti. Frá því árið 2000 hefur Íþróttasamband fatlaðra í
samstarfi við Vetraríþróttamiðstöð Íslands staðið fyrir skíðanámskeiði fyrir
fatlaða þar sem markmiðið hefur verið að kynna möguleika fatlaðra til
skíðaiðkunar. Afrakstur þessara námskeiða er nú loksins að koma í ljós á margan
hátt en í vetur var fullbókað á slíkt námskeið. Það er hins vegar ekki nóg að
fara á námskeið einu sinni á vetri, við þurfum að koma upp hópi fatlaðra sem eru
virkir skíðaiðkendur og ekki síður keppendur. Þess vegna langar mig að nota
þetta tækifæri með þennan glæsilega hóp iðkenda fyrir framan mig og biðja ykkur
krakkar, mömmur og pabbar og þjálfarar að benda krökkum - sem eru með einhvers
konar fötlun og búa í ykkar samfélagi -á að þau geta alveg stundað skíði eins og
allir aðrir. Ef þau geta ekki staðið í fæturna eða eru með skertan mátt geta þau
notað það sem kallað er mónóskíði - eins og Hér á Akureyri er mikill vilji til staðar til að efla skíðaiðkun fatlaðra enn frekar, Andrésarnefndin, Skíðafélag Akureyrar, starfsfólk Hlíðarfjalls og eiginlega bara allir sem tengjast skíðaiðkun hafa verið mjög jákvæðir. Á áðurnefndu námskeiði fyrir fatlaða hér í vetur var fólk sem tengist skiðasvæðum annars staðar á landinu einnig mjög áhugasamt. Mig langar að ljúka máli mínu með því að hvetja skíðafélögin um allt land sem og Skíðasamband Íslands til til að hjálpa okkur við að fjölga í hópi fatlaðra skíðamanna, hvort heldur sem fólk vill stunda skíði sér til ánægju og lífsfyllingar eða sem keppni . Við erum skammarlega aftarlega á merinni í þessum efnum og við ættum að stefna að því að eignast unglingalandslið fatlaðra skíðamanan innan fárra ára.
Hermína Gunnþórsdóttir Myndir: Pedromyndir |