Nú eru aðeins þrír dagar þar til Heimsmeistaramót fatlaðra í sundi verður formlega sett í Eindhoven í Hollandi.

Setningarathöfnin, fer fram að kvöldi 14. ágúst í glæsilegri innilaug sem kennd er við fræknasta sundmann Hollendinga, Pieter van den Hoogenband.

Sundkeppnin hefst 15. ágúst og lýkur þann 21. ágúst. Undanrásir hefjast hvern dag kl. 09:00 að hollenskum tíma og úrslit kl. 17:00.

Mögulegt er að fylgjast em mótinu á heimasíðu mótsins www.wcswimming2010.com á www.facebook.com/IPCSwimming og opinberri vefsjónvarpsstöð IPC (Alþjóðaólympíuhreyfingar fatlaðra) www.paralympicsport.tv

Íslenski hópurinn hélt af landi brott í gær og dvelur við æfingar í Eindhoven fram að því að keppni hefst.Eins og ávallt dagana fyrir mót fer fram flokkun sundmanna en sundflokkar fatlaðra eru 14 talsins, S1 – S10 eru flokkar hreyfihamlaðra, S11 – S13 flokkar blindra og sjónskertra og S14 flokkur þroskaheftra.Flestir þeirra sundmanna sem þátt taka hafa áður verið flokkaðir og hlotið alþjóðlega flokkun en ávallt eru nokkrir sundmenn kallaðir inn til endurflokkunar þannig að tryggt sé að jafnræðis sé gætt í hverjum sundflokki fyrir sig.Einn þeirra sem verður endurflokkaður á mótinu er Pálmi Guðlaugsson og því er ekki endanlega útséð með þátttöku hans á mótinu.

Þetta er í fimmta sinn sem heimsmeistaramót fatlaðra í sundi er haldið en áður hafa mótin verið haldin í 1994 á Möltu, 1998 á Nýja-Sjálandi, 2002 í Argentínu, 2006 í Suður-Afríku og í ár fer mótið fram í Eindhoven í Hollandi.

Keppnisdagskrá íslenska hópsins má sjá hér: