Íþróttasamband Fatlaðra staðfestir að Karen Björg Gísladóttir

er íþróttakona ársins 2007

Karen Björg er fædd 15. júlí 1991 og hefur æft sund undanfarin 6 -7 ár hjá íþróttafélaginu Firði í Hafnarfirði. Þar hefur hún tekið miklum framförum undir leiðsögn menntaðra þjálfara og er fremsti sundmaður Fjarðar um þessar mundir. Hún er einstaklega efnileg sundkona sem tekið hefur miklum framförum á undanförnum tveimur árum. Karen Björg, sem keppir í flokki þroskaheftra, er í úrvalsliði Íþróttasambands fatlaðra og er eitt allra mesta efni sem komið hefur fram á Íslandi í hennar fötlunarflokki, S 14.

Karen Björg tók þátt í Heimsmeistaramóti INAS (alþjóðasamtök þroskahamlaðra) sem haldið var í Belgíu í sumar. Þar náði hún þeim stórkostlega árangri að vinna til þriggja brons-verðlauna auk þess sem hún setti tíu Íslandsmet. Sum þessara Íslandsmeta voru frá því árið 1994 og bætti hún sum þeirra verulega en alls setti Karen Björg 15 Íslandsmet á árinu.

Karen Björg tók einnig þátt í Norðurlandamóti fatlaðra sem haldið var hér á landi 26.-27. október 2007. Þar vann hún til fimm gullverðlauna og varð Norðurlandameistari í öllum þeim greinum sem hún tók þátt í.

Framtíð Karenar Bjargar er björt og með markvissum æfingum á hún að geta stefnt á verðlaunasæti á Heimsmeistaramóti eða Global Games þroskaheftra, sem verða í Tékklandi árið 2009.

Karen Björg er núverandi handhafi Sjómannabikarsins 2007 en hann er veittur stigahæsta sundmanni á Nýárssundmóti fatlaðra barna og unglinga.

Þá er Karen Björg einnig íþróttakona Fjarðar árið 2007.

Karen Björg Gísladóttir	S14	50 m frjáls aðferð	0,32,20 / 25 m laug	Sundlaug Laugardals, Laugar.	06.01.07
Karen Björg Gísladóttir	S14	50 m frjálsaðferð	0,32,38 / 50 m laug	Heimameistaramót INAS Belgíu	15.08.07
Karen Björg Gísladóttir	S14	50 m bringusund	0,41,13 / 50 m laug	Heimsmeistaramót INAS Belgíu	23.08.07
Karen Björg Gísladóttir	S14	50 m flugsund	0,36,11 / 50 m laug	Heimameistaramót INAS Belgíu	21.08.07
(millitími í 100m flug)
Karen Björg Gísladóttir	S14	100 m flugsund	1,19,71 / 50 m laug	Heimameistaramót INAS Belgíu	21.08.07
	S14	50 m millit. í 100 fl.	0,35,76 / 50 m laug		21.08.07
Karen Björg Gísladóttir	S14	50 m flugsund	0,34,84 / 50 m laug	Heimameistaramót INAS Belgíu	22.08.07
Karen Björg Gísladóttir	S14	200 m frjáls aðferð	2,33,84 / 50 m laug	Heimameistaramót INAS Belgíu	21.08.07
Karen Björg Gísladóttir	S14	50 m flugsund	0,34,20 / 50 m laug	Heimameistaramót INAS Belgíu	22.08.07
Karen Björg Gísladóttir	S14	200 m frjáls aðferð	2,31,13 / 50 m laug	Heimameistaramót INAS Belgíu	22.08.07
Karen Björg Gísladóttir	S14	100 m frjáls aðferð	1,09,43 / 50 m laug	Heimameistaramót INAS Belgíu	24.08.07
Karen Björg Gísladóttir	S14	400 m fjórsund	6,20,73 / 50 m laug	Heimsmeistaramót INAS Belgíu	23.08.07
Karen Björg Gísladóttir	S14	400 m frjáls aðferð	5,29,27 / 50 m laug	Heimsmeistaramót INAS Belgíu	26.08.07
Karen Björg Gísladóttir	S14	50 m flugsund	0,35,47 / 25 m laug	Sundlaug Laugardals, Laugar	25.11.07
Kristín Ágústa, Lára, Karen Björg og Hulda Hrönn frjáls aðferð	S14	4 x 50 m boðsund	2.28.69 / 25 m laug	Sundlaug Laugardals, Laugar	24.11.07
Kristín Ágústa, Lára, Karen Björg og Hulda Hrönn fjórsund	S14	4 x 50 m boðsund	2,46,69 / 25 m laug	Sundlaug Laugardals, Laugar	25.11.07