Hin mikla þátttaka á þessu Íslandsmóti kom þægilega að óvart og var ánægjulegt að sjá hversu mörg félög sendu keppendur á mótið, sér í lagi var ánægjulegt að fá keppendur frá nýstofnuðum aðildarfélögum ÍF á Snæfellsnesi.
| Íslandsmót ÍF í frjálsum íþróttum innanhúss fór fram 17. mars sl. Um 90 keppendur frá 14. félögum voru skráðir til leiks, en keppnin fór fram í Baldurshaga og íþróttahúsi Hagaskóla. Hin mikla þátttaka á þessu Íslandsmóti kom þægilega að óvart og var ánægjulegt að sjá hversu mörg félög sendu keppendur á mótið, sér í lagi var ánægjulegt að fá keppendur frá nýstofnuðum aðildarfélögum ÍF á Snæfellsnesi. |
|
| Mesta athygli vakti góður árangur þeirra Jóns Odds Halldórssonar og Hauks Gunnarssonar, Jóns í 60 m hlaupi og kúluvarpi og Hauks í langstökki og 60 m hlaupi. Jón keppir í flokki T35 og Haukur í flokki T37, en þeir hafa báðir náð lágmörkum fyrir HM fatlaðra í frjálsum íþróttum sem fram fer í Frakklandi í júlímánuði. Greinilegt var afrekstur mikilla æfinga er að skila sér hjá þeim og gefur góðar vonir um gott gengi þeirra Heimsmeistaramótinu. [Á myndinni eru t.v. Jón Oddur Halldórsson, Baldur Æ. Baldursson og Haukur Gunnarsson] |
 |
| Mótstjóri var Kári Jónsson, landsliðsþjálfari og verkefnastjóri ÍF í frjálsum íþróttum og sér til aðstoðar hafði hann nemendur frá KHÍ, íþróttakennaraskori. Úrslit mótsins |