Að vanda stóðu þau sig með miklum sóma og varð Hulda Pétursdóttir, íþróttafélaginu Nes Íslandsmeistari í 1. flokki kvenna. 9 keppendur kepptu í hennar flokki en Hulda vann úrslitaleikinn 3-2 í hörkuleik en hún vann oddalotuna 12-10.
Þetta er mjög góður árangur hjá henni og sýnir að fatlaðir íþróttamenn eiga í mörgum íþróttagreinum fullt erindi á mót ófatlaðra. Geir Sverrisson frjálsíþróttamaður hefur í gegnum tíðina sýnt það á hinum ýmsum mótum sem haldin hafa verið á vegum FRÍ og í vetur hafa fatlaðir borðtennismenn tekið stórstígum framförum og sýnt svo ekki verður um villst að þeir eigi fullt erindi á mót þeirra bestu hjá BTÍ.
Alls fengu fatlaðir íþróttamenn 4 verðlaun á mótinu. Í 2. flokki kvenna varð Guðrún Ólafsdóttir í 3.-4. sæti af 7 keppendum.
Í 2. flokki karla varð Viðar Árnason í 3.-4. sæti af 42 keppendum. Í tvíliðaleik kvenna urðu Gyða Guðmundsdóttir og Áslaug Hrönn Reynisdóttir í 3.-4. sæti af 7 pörum en þær töpuðu fyrir Íslandsmeisturunum þeim Halldóru Ólafs og Lilju Rós Jóhannesdóttur í undanúrslitum."
