Misjafnt er eftir greinum hvað keppnisdagar eru margir, flestar greinar standa yfir allt mótið þar sem tíma tekur að flokka niður eftir árangri. Einstaka greinar standa bara yfir einn dag eins og lyftingar en þar eru engin undanúrslit, aðeins úrslitakeppni m.t.t. þyngdarflokks. Í frjálsum íþróttum var í gær hlaupið í undanrásum þó skráðir keppendur séu aðeins þrír eins og í 400 m hlaupi í aldursflokki Helgu Helgadóttur. Fyrirkomulag er því eins og áður er komið fram með öðrum hætti en þekkist á hefðbundnum íþróttamótum og á verðlaunahafar fleiri hlutfallslega en á öðrum mótum. Verðlaun streyma nú heim með keppendum, bæði peningar fyrir fyrstu þrjú sætin og verðlaunaborðar fyrir sæti 4. - 8. Verðlaunapeningar eru eftirsóknarverðari en verðlaunaborðarnir en enginn lætur það á sig fá og allir fagna því sem kemur í hús.
