Íslandsleikar Special Olympics í knattspyrnu 2002

 

Laugardaginn 16. mars síðastliðinn fóru fram þriðju Íslandsleikar Special Olympics í knattspyrnu, en leikið var í íþróttahúsinu að Sólvöllum á Selfossi.  Íslandsleikarnir voru liður í Evrópuverkefni Special Olympics, svokallaðri knattspyrnuviku samtakanna og er þetta í annað sinn sem slík vika er haldin á þeirra vegum.

 

Stefnt er að því að halda slíkar knattspyrnuvikur árlega með það að markmiði að ná 50 þúsund fötluðum iðkendum í Evrópu árið 2005, en verkefnið nýtur stuðnings UEFA með það að leiðarljósi að knattspyrna eigi að vera í boði fyrir alla.  Hefur UEFA þannig mælst til þess að knattspyrnusambönd Evrópu styðji þetta verkefni.

 

Ánægðir þátttakendur með Atla Eðvaldssyni	Ösp sigraði bæði í A og B riðli	“Við getum þetta ef við stöndum saman...”

 

KSÍ hefur tekið virkan þátt í undirbúningi Íslandsleikanna og aðstoðað við framkvæmd þeirra.  Einnig hafa sérfræðingar á þeirra vegum stjórnað upphitun, dómgæsla verið í höndum landsdómara sambandsins auk þess sem landsliðsþjálfarinn, Atli Eðvaldsson afhenti verðlaun á leikunum.  Vonandi verður þess ekki langt að bíða að knattspyrnufélög bjóði í auknum mæli upp á æfingar fyrir þennan hóp.  Nú þegar eru æfingar stundaðar hjá nokkrum aðildarfélögum Íþróttasambands Fatlaðra, en mörg þeirra hafa ekki möguleika á að bjóða upp á æfingar nema í samvinnu við knattspyrnufélagið á staðnum.  Slík samvinna er að mati ÍF forsenda þess að auka fjölda fatlaðra í knattspyrnu.

 

ÍF og KSÍ “þjófstörtuðu” knattspyrnuvikunni, sem á að standa yfir frá 14. – 21. apríl n.k., með Íslandsleikunum í knattspyrnu.  Mikið fjör var í íþróttahúsinu á Selfossi þar sem áhorfendur jafnt sem keppendur skemmtu sér konunglega.  Fylgdi mikill fögnuður hverju skoruðu marki og stórskemmtilegir tilburðir sáust til keppendanna sem glöddu augu áhorfenda.  Athygli vakti að þrátt fyrir mikinn styrkleikamun voru allir jafn áhugasamir um að taka þátt, sem sýnir að þessi íþrótt getur verið skipulögð þannig að hún henti öllum og að enginn verði “útundan”.

 

Leikaðferðin rædd	“Kominn í dauðafæri....”	Dómarar mótsins ásamt landsliðsþjálfaranum

 

Vert er að vekja athygli á því að meðan á knattspyrnuvikunni stendur 14. – 21. apríl n.k. munu aðildarfélög ÍF bjóða sérstaklega velkomna þá sem áhuga hafa á knattspyrnu.

 

Úrslit á Íslandsleikum Special Olympics í knattspyrnu urðu sem hér segir:

 

A – riðill

Ösp – ÍFR                  2-0 Blandan - Eik/Akur      0-3 Ösp – Eik/Akur           1-0 Blandan – ÍFR             1-1 Ösp – Blandan            3-0 Eik/Akur – ÍFR            0-0

Lokaúrslit                   U    J     T    Mörk        Stig Ösp            3    0    0    6-0          9 Eik/Akur      1    1    1    3-1          4 Blandan      0    1    2    1-7          1 ÍFR             0    2    1    1-3          2 (gestir)

 

B – riðill

Nes – Suðri                0-1 Ösp – Þjótur               4-1 Eik/Akur – Nes           0-2 Þjótur – Suðri             0-3 Ösp – Eik/Akur           2-0 Nes – Þjótur               0-0 Suðri – Ösp                0-0 Þjótur – Eik/Akur        2-0 Nes – Ösp                  0-0 Suðri – Eik/Akur         1-1

Lokaúrslit                   U    J     T    Mörk        Stig Ösp            2    2    0    6-1          8 Suðri           2    2    0    5-1          8 Nes            1    2    1    2-1          5 Þjótur          1    1    2    3-7          4 Eik/Akur      0    1    3    1-7          1   * Leikinn var úrslitaleikur milli Suðra og Aspar sem lauk með 2-1 sigri Aspar.