Stærsta mál þingsins var tillaga um nýtt flokkakerfi fyrir þroskahefta íþróttamenn. Með það að markmiði að tryggja sem mestan jöfnuð í keppni er öllum íþróttasamtökum fatlaðra í heiminum nú gert skylt að kröfu alþjóðahreyfinga fatlaðra (IPC og INAS-Fid) að skrá fötlun allra þeirra sem þátt taka í íþróttum þroskaheftra á alþjóðavettvangi. Tillagan var samþykkt sem þýðir að í framtíðinni munu þroskaheftir keppa í tveimur flokkum á Íslandi en hingað til hefur þessi fötlunarfokkur keppt í einum opnum flokki.
Þingið heimilaði einnig stjórn ÍF að ganga til viðræðna við framkvæmdastjórn ÍSÍ um breytingar á reglugerð um afreksmannasjóð ÍF
Ein breyting varð á stjórn sambandsins; Kristján Svanbergsson hætti í stjórn en í hans stað var kosinn Ólafur Eiríksson en Ólafur hefur, síðan hann lauk farsælum keppnisferli sínum, setið í ýmsum nefndum og ráðum innan ÍF. Sveinn Áki Lúðvíksson var einróma endurkjörin formaður sambandsins. Auk Sveins Áka voru endurkjörin í stjórn ÍF þau: Camilla Th. Hallgrímsson, Þórður Árni Hjaltested, Ólafur Þór Jónsson, Erlingur Þ. Jóhannsson, Jóhann Arnarson og Svava Árnadóttir.
