Skíðaiðkun og útivera fyrir fatlaða – Námskeið á Akureyri

Skíða- og útivistarnámskeið fyrir fatlaða verður haldið í Hlíðarfjalli við Akureyri 14.-17. apríl 2005. Verkefnið er samstarfsverkefni, Challenge Aspen, Íþróttasambands Fatlaðra og Vetraríþróttamiðstöðvar Íslands.

Fjórir sérþjálfaðir leiðbeinendur frá Aspen í Colorado í Bandaríkjunum verða í Hlíðarfjalli þessa daga til að stýra námskeiðinu og kynna nýjungar sem lúta að vetraríþróttum og alhliða útiveru fyrir fatlaða. Allir þeir sem vilja njóta þess að vera úti og efla þrek sitt yfir vetrartímann finna eitthvað við sitt hæfi á þessu námskeiði. Námskeiðið er ætlað fyrir mænuskaðaða, fjölfatlaða, þroskahefta, hreyfihamlaða, sjónskerta og blinda og er bæði verklegt og félagslegt.

Fatlaðir á sambýlum, sem aðrir fatlaðir, leiðbeinendur, íþróttakennarar og áhugafólk um útiveru fyrir fatlaða eru hvött t til að taka þátt og upplifa ótrúlega spennandi tækifæri..

Í hópnum er kennari sem hefur m.a. sérþekkingu á þjálfun blindra og sjónskertra.

Námskeiðsgjald er 3,500 kr.

Innifalið er námskeiðsgjald, lyftumiðar og sérhæfður búnaður.

Gisting á Akureyri er á vegum þátttekenda sjálfra.

(Smellið hér fyrir tilboð frá Hótel Kea vegna námskeiðsins á Akureyri)

Dagskrá verður send út 29. mars nk. til skráðra þátttakenda. Skráning er til 8. apríl 2005.

Takmarkaður fjöldi þátttakenda

Nánari upplýsingar veita:

Anna Karolína Vilhjálmsdóttir: Íþróttasambandi fatlaðra 514-4083 annak@isisport.is

Þröstur Guðjónsson: Vetraríþróttamiðstöð Íslands 896-1147 sporri@internet.is

Hörður Elís Finnbogason: Skíðasvæðinu Hlíðarfjalli 820-1658 hlidarfjall@hlidarfjall.is

Challenge Aspen er fyrirtæki sem sérhæfir sig í vetraríþróttum og útivist fatlaðra.

Kennarar frá Challenge Aspen héldu námskeið í samstarfi við VMÍ og ÍF árið 2000 þar sem þátttakendur voru börn, unglingarog fullorðið fólk sem áttu ógleymanlegar stundir í Hlíðarfjalli og vonandi mæta allir aftur núna og hvetja fleiri til þátttöku.