[Fréttir 2010]  [Fréttir 2009]  [Fréttir 2008]  [Fréttir 2007]  [Fréttir 2006]  [Fréttir 2005]  [Fréttir 2004]  [Fréttir 2003]  [Fréttir 2002] 

Íþróttasamband Fatlaðra útnefndi íþróttamann og konu ársins 2002 úr röðum fatlaðra, þann 19. desember í árlegu hófi í boði Hótel Sögu.
Kristín Rós Hákonardóttir og Gunnar Örn Ólafsson hljóta titillinn í ár. Auk þessa var valin kona ársins 2002 sem hlýtur Guðrúnarbikarinn, sem nú er veittur í þriðja sinn.
Sú sem varð fyrir valinu eru Edda Bergmann, formaður Trimmklúbbsins Eddu, sem varð 15 ára á þessu ári
Á myndinni er Edda Bergmann, ásamt Gunnari Erni og Kristínu Rós.

Íþróttasamband Fatlaðra sem hefur umsjón með starfsemi Special Olympics á Íslandi, leitaði til tveggja grunnskóla árið 2001, Setbergsskóla í Hafnarfirði og Grunnnskóla Siglufjarðar og óskaði eftir samstarfi um verkefnið "GET INTO IT". Þetta verkefni hefur verið samstarfsverkefni Special Olympics International og skóla í Bandaríkjunum undanfarin ár og nú er verið að kynna verkefnið í Evrópu. Þetta verkefni sem byggt er upp sem námsefni fyrir mismunandi aldursstig hefur það að meginmarkmiði að auka skilning nemenda í garð þeirra sem á einhvern hátt skera sig úr hópnum. Ísland er fyrsta Evrópulandið sem tekur þátt í verkefninu og var Íslandi boðið að senda fulltrúa til Brussel í nóvember þar sem mótuð var frekari stefna í þróun verkefnisins í Evrópu. Sandra Jónasdóttir var fulltrúi Íslands á fundinum.

Nemendur í Setbergsskóla í Hafnarfirði ásamt kennara sínum, Söndru Jónasdóttur.

Kristín Rós Hákonardóttir synti um morgunin í undanrásum á 1:17.56 sem er nýtt Íslandsmet metið var áður 1:18.05. Kristín Rós var með annan besta tímann.
Í úrslitunum synti hún á nýju Íslandsmeti 1:16.81 og lenti í 2 sæti eftir hörku spennandi keppni við Kanadíska stelpu Danielle Campo sem fór á 1:15.88. Í 3. sæti var Ástrali Chanter Wolfenden á 1:17.65.
Á morgun keppa Kristín Rós og Bjarki í 100 metra bringusundi.

Í Hvata 1.tbl. var óskað svara við getraun og voru verðlaun við réttu svari, kvöldverðarboð á Ruby Tuesday.
Eftirtaldir aðilar sendu inn rétt svar og ákváðu að skella sér á Ruby Tuesday, í hádeginu 27. nóvember.
f.v. Hallgrímur Eymundsson, frá Saurbæ í Skagafirði. Hann hefur keppt í boccia með Grósku frá Sauðárkróki en er nú að starfa sem tölvunarfræðingur hjá Félagsþjónustu Reykjavíkurborgar. Hann útskrifaðist sem tölvunarfræðingur frá HÍ, vorið 2001.
Theodór Karlsson er frá Sauðárkróki og menntaður þroskaþjálfi. Hann starfar nú hjá Fullorðinsfræðslu fatlaðra, þar sem hann sér um íþróttaþjálfun. Hann hefur víðtæka reynslu af starfi með fötluðum og hefur m.a. starfað við sumarbúðirnar að Löngumýri sem faðir hans Karl Lúðvíksson, hefur veitt forstöðu.
Helle Kristensen er í námi fyrir erlenda stúdenta við HÍ, þar sem hún leggur stund á íslensku.

Nemendur frá Fjölbrautaskóla Garðabæjar og Fjölbrautaskólans í Breiðholti tóku þátt í námskeiði um íþróttir fatlaðra helgina 17. - 19. október og vinna nú að verkefnum í tengslum við námskeiðið.

Laugardaginn 16. nóvember s.l. fór fram í Sundhöll Reykjavíkur fyrsta BIKARMÓT Íþróttasambands Fatlaðra í sundi.
Mikið fjör var á þessu fyrsta bikarmóti ÍF og félögin hvött óspart áfram af sínum stuðningsmönnum en svo fór að lokum að lið ÍFR sigraði, hlaut 12184 stig og varð bikarmeistari ÍF árið 2002, í öðru sæti lenti íþróttafélagið Ösp og í þriðja sæti lenti íþróttafélagið Fjörður.
Nánar

Íþróttafélagið Þjótur á Akranesi varð 10 ára 8. nóvember.
Afmælishóf var haldið í Brekkubæjarskóla á Akranesi, mánudaginn 11. nóvember kl. 20.00
Formaður félagsins er Ólöf Guðmundsdóttir, en fyrsti formaðurinn var Inga Harðardóttir.
Nánar

Föstudaginn 24. október sl. var endurnýjaður samningur Íþróttasambands Fatlaðra og Haraldar Böðvarssonar hf. Akranesi, en fyrirtækið hefur frá árinu 1998, verið einn af samstarfs- og styrktaraðilum ÍF vegna undirbúnings fyrir Ólympíumót fatlaðra.
Árið 1998 hófst samstarf við fyrirtækið vegna Ólympíumótsins í Sydney 2000 og nú hefur verið staðfestur áframhaldandi samningur vegna Ólympíumótsins í Aþenu 2004.
Nánar

Foreldradeild Blindrafélagsins, stóð fyrir áhugaverðum fundi um þjálfunblindra og sjónskertra barna þann 21. október í Hamrahlíð 17.
Fyrirlesari var Carola Frank Aðalbjörnsson, PH.D. Research&Developmenten hún hefur sérhæft sig m.a. í fræðum sem tengjast þjálfun fatlaðrabarna.
Nánar

Í tilefni af 75 ára afmæli Olís ákvað fyrirtækið að styðja Íþróttasamband Fatlaðra um samtals kr. 750 þúsund á næstu þremur árum en auk ÍF munu þrjú önnur félagasamtök njóta góðs af stuðningi fyrirtækisins.
Olís hefur á undanförnum árum verið einn af öflugustu samstarfs- og styrktaraðilum ÍF og styrkti m.a. sambandið vegna undirbúnings og þátttöku fatlarða íþróttamanna í Ólympíumótinu í Sydney árið 2000.
Nánar

Nú um helgina tóku Jóhann R. Kristjánsson og Hulda Pétursdóttur þátt í opna ungverska meistaramótinu í borðtennis fatlaðra, en þau keppa bæði fyrir íþróttafélagið Nes á Suðurnesjum. Höfnuðu þau bæði í 3ja sæti í sínum flokkum en Jóhann keppir í sitjandi flokki C2 og Hulda í standandi flokki C10.
Mót þetta, sem var stigamót á vegum IPTTC – alþjóðaborðtennissambands fatlaðra www.ipttc.org, gefur þeim því báðum stig sem ætti að hækka þau um sæti á stigatöflu sambandsins.
Meðfylgjandi er mynd af Jóhanni R. Kristjánssyni í keppi.

Æfingabúðir fyrir landsliðið í sundi voru haldnar á Akureyri, helgina 11. - 13. október. Næsta verkefni landsliðsins er þátttaka í heimsmeistaramótinu í sundi sem fram fer í Argentínu í desember 2002.
Á myndinni eru f.v. Bára B. Erlingsdóttir, Kristín Rós Hákonardóttir, Bjarki Birgisson og Gunnar Örn Ólafsson

Fyrsta aflraunamót fatlaðra var haldið laugardaginn 28.sept. og fór mótið fram við Íþróttahús ÍFR. Ekki er vitað til þess að mót með þessu sniði hafi áður verið haldið í heiminum. Arnar Már Jónsson lyftingaþjálfari hjá ÍFR hefur útfært keppnisgreinar þannig að fatlaðir geti keppt í hinum ýmsu aflraunum. Að þessu sinni var keppt í bíldrætti, bóndagöngu, drumbalyftu og steinatökum. Yfirdómari var Auðunn Jónsson. Alls tóku átta keppendur þátt í mótinu fimm í flokki standandi og þrír í flokki sitjandi. Sigurvegari í standandi flokki fatlaðra var Hörður Arnarsson ÍFR og í sitjandi flokki fatlaðra Reynir Kristófersson ÍFR.
Nánar
Úrslit

Formannafundur ÍF var haldinn sunnudaginn 15. september kl. 10.00 - 16.00
Efni fundarins var fjölbreytt en m.a. var farið yfir verkefni innanlands og erlendis á árinu 2003.
Nánar

Fótboltamót fatlaðra var haldið í fimmta sinn á Akrasnesi laugardaginn 7. september. Það hefur verið haldið þrisvar sinnum innanhúss en þetta var í annnað sinn sem það var haldið utanhúss.
Nánar
Myndir frá mótinu

12 keppendur fóru á undirbúningsleika Special Olympics á Írlandi, PRE GAMES, sem fram fóru 19. - 23. júní.
Íslenski hópurinn keppti í lyftingum og boccia.
Lyftingamenn komu frá ÍFR og Ösp en Völsungur, Nes, Snerpa, Þjótur og ÍFR áttu keppendur í boccia.
Nánar

Fyrsta bogfimimótið, utanhúss á Íslandi, var haldið 14. júní á Valbjarnarvelli. Á mótinu kepptu 13 bogaskyttur frá bogfimifélaginu í Dannenberg Þýskalandi. Bogfimideild ÍFR, hefur heimsótt þetta félag, annað hvert ár frá árinu 1984 og nú var komið að þýska félagið að endurgjalda heimsóknir Íslendinganna.
Nánar
Úrslit mótsins

Á myndinni má sjá fulltrúa Kiwanisklúbbsins Eldeyjar, afhenda Camillu Th. Hallgrímsson, varaformanni ÍF og Ólafi Magnússyni, framkvæmdastjóra
Fjárhagssviðs ÍF höfðinglegan styrk að upphæð kr. 50.000.- til starfsemi
ÍF.

Kynningardagur 21. júní Golfkynning á Korpúlfsstaðavelli kl. 17.00
Sumarmót GSFÍ 23. júní Hvaleyrarholtsvelli GSFÍ, samtök fatlaðra á Íslandi stefna að því að efla þátttöku fatlaðra í golfíþróttinni. Þessi kynningardagur 21. júní og sumarmóti 23. júní eru liður í því að bjóða fötluðum golfáhugamönnum upp á að kynnast og taka þátt í þessarri vinsælu íþrótt.Án aðstoðar, hvatningar og kynningar frá íþróttahreyfingu fatlaðra ná samtökin ekki til fatlaðra á landinu. Því er það mjög mikilvægt að stjórnir aðildarfélaga ÍF og forsvarsmenn samtaka fatlaðra, taki virkan þátt í að hvetja fólk til að mæta á kynninguna 21. júní og fylgjast með hvað er í boði.Nánar

Helgina 24. - 26. maí fór fram í Malmo í Svíþjóð, Norðurlandamót í boccia.
Íþróttasamband Fatlaðra sendi fimm keppendur á mótið.
Ragnhildur Ólafsdóttir, ÍFR, Hallmar Óskarsson, ÍFR og Hjalti Bergmann Eiðsson, ÍFR kepptu í sveita- og einstaklingskeppni, en þau keppa í flokki 4. Keppt er í flokkum 1, 2, 3 og 4 þar sem flokkur 4 er sterkasti flokkurinn.
Nánar

Íþróttafélagið Ösp sendi 4 stúlkur á Evrópumót í borðtennis sem fram fór á vegum Special Olympics í Luxemborg 22. - 24. maí s.l.
Stúlkurnar eru Gyða K. Guðmundsdóttir, Guðrún Ólafsdóttir, Áslaug H. Reynisdóttir og Sunna Jónsdóttir.
Þjálfarar og fararstjórar voru þau Helgi Þ. Gunnarsson og Hulda Pétursdóttir.

Lionsklúbburinn Hængur á Akureyri, hefur staðið fyrir íþróttamóti fyrir fatlaðra, Hængsmótinu í 20 ár og var tuttugasta Hængsmótið haldið um síðustu helgi á Akureyri. Keppt var í bogfimi, borðtennis, boccia og lyftingum. Í tengslum við mótið var haldið Íslandmót ÍF í boccia, sveitakeppni. Nánar

Farið var yfir undirbúningsferli vegna ólympíumótsins í Aþenu 2004.
Á myndinni eru nokkrir samstarfsaðilar Íþróttasambands Fatlaðra ásamt fulltrúum ÍF.

Þann 16. maí var haldinn fundur í Mosfellsbæ, þar sem rætt var um möguleika á því að efla tækifæri fyrir fatlað fólk í Mosfellsbæ, til þátttöku í íþrótta og tómstundastarfi.
Meira

Nýlega fór fram Íslandsmót Borðtennissambands Íslands (BTÍ), en nokkrir fatlaðir íþróttamenn voru þar meðal þátttakenda. Að vanda stóðu þau sig með miklum sóma og varð Hulda Pétursdóttir, íþróttafélaginu Nes Íslandsmeistari í 1. flokki kvenna. 9 keppendur kepptu í hennar flokki en Hulda vann úrslitaleikinn 3-2 í hörkuleik en hún vann oddalotuna 12-10.
Nánar

Dagana 4.-7. apríl voru staddir hér á landi fulltrúar frá borginniNewry, á Írlandi. Árið 2003 verða alþjóðaleikar Special Olympics,haldnir í fyrsta skipti utan Bandaríkjanna og munu þeir fara fram íDublin á Írlandi. 'I tengslum við alþjóðaleikana 1995 og 1999 var settá fót verkefni, þar sem hverju landi var úthlutað vinabæ, þar semþátttakendur bjuggu í nokkra daga fyrir leikana. Sama mun verða áÍrlandi og fór úthlutun fram við hátíðlega athöfn, en fjölmargir bæirsóttu um að verða vinabæir landanna.
Nánar

Íslandsmót ÍF í frjálsum íþróttum innanhúss fór fram 17. mars sl. Um 90 keppendur frá 14. félögum voru skráðir til leiks, en keppnin fór fram í Baldurshaga og íþróttahúsi Hagaskóla.
Hin mikla þátttaka á þessu Íslandsmóti kom þægilega að óvart og var ánægjulegt að sjá hversu mörg félög sendu keppendur á mótið, sér í lagi var ánægjulegt að fá keppendur frá nýstofnuðum aðildarfélögum ÍF á Snæfellsnesi.
Nánar

Í tengslum við námskeið um íþróttir fatlaðra hjá íþróttakennarskor KHÍ fór fram verkleg kynning í íþróttahúsi ÍFR, föstudaginn 15. mars.
Settar voru upp æfingar m.t.t. fatlaðra og ófatlaðra nemenda auk þess sem Geir Sverrisson, sá um að kynna fyrir hópnum, eina vinsælustu grein meðal fatlaðra erlendis, þ.e. hjólastólakörfubolta. Sjá myndir

Laugardaginn 16. mars síðastliðinn fóru fram þriðju Íslandsleikar Special Olympics í knattspyrnu, en leikið var í íþróttahúsinu að Sólvöllum á Selfossi. Íslandsleikarnir voru liður í Evrópuverkefni Special Olympics, svokallaðri knattspyrnuviku samtakanna, og er þetta í annað sinn sem slík vika er haldin á þeirra vegum. Nánar

Dagana 14. - 21. apríl n.k. standa Special Olympics samtökin í samvinnu við UEFA fyrir “Knattspyrnuviku þroskaheftra” - "Special Olympics European football week". Special Olympics eru alþjóðasamtök þroskaheftra íþróttamanna og er Íþróttasamband fatlaðra fulltrúi samtakanna hér á landi. Knattspyrnuvikan er liður í átaki Special Olympics og UEFA til að auka fjölda þeirra einstaklinga sem knattspyrnu stunda, fatlaðra jafnt sem ófatlaðra. Þetta er í annað sinn sem slík vika er haldin, en á árinu 2001 tóku rúmlega 5 þúsund þroskaheftir knattspyrnumenn þátt í ýmsum knattspyrnuviðburðum tengdum knattspyrnuvikunni víðs vegar um Evrópu.
Íþróttasamband fatlaðra, í samvinnu við KSÍ, “þjófstartar” knattspyrnuvikunni með því að halda Íslandsleika Special Olympics í knattspyrnu á Selfossi þann 16. mars n.k.
Nánar

Á aðalfundi “Alþjóðaólympíuhreyfingar fatlaðra” sem haldinn var í Aþenu nýverið var kynnt nýtt merki Ólympíumóts fatlaðra sem fram fer í Aþenu 2004. Með merki mótsins, mannsandliti sem snýr mót sól, segir:

“Every time we turn our face towards the sun, we feel
The warmth of its breath. Its flame.
A flame like the one each of us has inside.
The start of a pursuit, a source of strength and above all
An inspiration for mankind to celebrate”.
Nánar.

Amanda Boxtel, sem hefur verið í forsvari "Challenge Aspen" hópsins sem styður ÍF í uppbyggingu vetraríþrótta fatlaðra, tók þátt í því að bera kyndil ólympíumóts fatlaðra en mótið fer fram í Salt Lake City 7.-16. mars 2002. Nánar.

Nýárssundmót barna og unglinga fór fram í Sundhöll Reyjavíkur 6. janúar 2002.
Sjómannabikarinn fyrir besta árangur hlaut Jóna Dagbjört Pétursdóttir Í.F.R.
Hér má finna úrslit einstakra greina og stigaverðlauna.

Nýtt heimsmet KRH um helgina. Kristín Rós Hákonardóttir setti nýtt heimsmet á sundmóti um helgina þar sem hún synti 200m bringusund á tímanum 03:35,06 Hún átti best 3:37,18

[Fréttir 2010]  [Fréttir 2009]  [Fréttir 2007]  [Fréttir 2006]  [Fréttir 2005]  [Fréttir 2004]  [Fréttir 2003]  [Fréttir 2002]